Jeta Osh Qef
Home

Harta me diplomën përkatëse të çdo lideri europian, shqiptarët e merrni me mend vetë ku futen
Nga: S.Bardhi | Publikuar më: 06.12.2017, 09:57

  • Share
  • Share
  • Share
  • Share
Platforma Reddit ka përpiluar së fundmi një hartë që vizualizon Europën me ngjyra dhe profesione sipas diplomës përkatëse dhe të dhënat janë mbledhur nga gazetari Pádraig Belton.

Harta flet për një shumëllojshmëri fushash studimi, ku madje vihet re edhe mungesa e një diplome, në rastin e kryeministrit të Suedisë.

Megjithëse harta tregon një përzierje të fushave të arteve dhe degëve shkencore, rëndësia e dukshme e ligjit e bën atë shumë më pak interesante. Sipas gazetarit që ka bashkuar të dhënat, më interesante e bën faktin se kryeministri i Bullgarisë Bojko Borisov ka studiuar për zjarrfikës.

Duke vëzhguar në të gjithë fushat e studimit të liderëve europianë, vihet re, sipas tij, në fushën e artit dhe shkencave sociale janë veçse 4 shtete, ndër të cilat Shqipëria, me diplomën “Artet e Bukura”, Franca me “Filozofi”, Hollanda me “Histori”.

Në këtë hartë dominon diploma në fushën e ligjit, përkatësisht 14 shtete, pjesa më e madhe e të cilave të Europës qendrore, por edhe dy shtetet e gadishullit Iberik.

Në kundërshti të plotë me diplomën, që në rang botëror ka shpërndarjen më të madhe, ajo e biznesit, duket se liderët europianë janë më tepër të fushës së shkencave humane.

Liderë të tjerë sakaq sipas hartës, kanë studiuar për sociologji, marrëdhënie ndërkombëtare, gazetari, sociologji. Vetëm lideri Italian ka studiuar për Shkenca Politike, shkruan “Monitor”. Një studim nga DDI, një kompani konsulence globale, bëri një zbulim të habitshëm: Të diplomuarit në shkencat humane performojnë më mirë si lider, se sa atë me një diplomë MBA në një numër fushash thelbësore.

Sikurse tregohet nga analiza e DDI, të qenurit lider i mirë, i ka rrënjët në të qenit një folësi suksesshëm. Përtej aftësive ndërpersonale, ata me diploma në shkenca humane kanë aftësi më të forta sipërmarrëse dhe janë më të orientuar drejt rezultateve.