Jeta Osh Qef
Home

Çmimi i ujit u rrit me 17% 4-mujorin e parë të vitit
Shkruar nga: S Bardhi | Publikuar më: Fri May 11

  • Share
  • Share
  • Share
  • Share

Çmimi mesatar i ujit në të gjithë vendin në katërmujorin e parë të vitit ishte 17 për qind më i lartë se e njëjta periudhë e vitit të kaluar, sipas të dhënave të INSTAT.

uji-i-pijshem11

Sipas Bankës së Shqipërisë, që analizon të dhënat e INSTAT, rritja e inflacionit i atribuohet më së shumti rritjes së çmimeve të mallrave të rregulluara (ujit), të mallrave të konsumit joushqimor dhe rritjes së çmimit të qirasë ne Tirane.

Enti Rregullator i Ujit në fund të vitit të kaluar miratoi tarifat e reja për Bashkinë Tiranë, sipas të cilave çmimi i ujit për konsumatorët është rritur me 44 %. Sipas tabelave të vendimit, familjarët që jetojnë në Tiranë që nga janari po paguajnë 65 lekë/m3; institucionet publike po paguajnë 140 lekë/m3, ndërsa ato privatë 155 lekë/m3.

uji

Banka e Shqipërisë argumentoi se inflacioni shënoi një rritje të lehtë gjatë tremujorit të parë të vitit 2018; norma mesatare e tij në këtë periudhë regjistroi vlerën 1.9%, kundrejt nivelit mesatar prej 1.8% të shënuar në tremujorin paraardhës.

Megjithatë inflacioni vijon të mbetet nën objektiv dhe balanca e presioneve inflacioniste nuk është ende e mjaftueshme për të siguruar kthimin e qëndrueshëm të tij në objektivin 3 %.

Banka e Shqipërisë parashikon se në veçanti, mbiçmimi i kursit të këmbimit në muajt e fundit do të tentojë të ulë çmimin e mallrave të importit dhe përcjelljen e presioneve të huaja inflacioniste në ekonominë vendase. Rrjedhimisht, kontributi i inflacionit të importuar në inflacionin total ra me rreth 0.6 pikë përqindje në tremujorin e parë.

C289B089-1316-4257-9CD2-EA5ED74F9BB5_cx0_cy7_cw0_w1023_r1_s

Gjithashtu inflacioni në vendet partnere mbetet ende i ulët, pavarësisht momentit pozitiv të aktivitetit ekonomik. Paralelisht me to, rritja e intensitetit të mbiçmimit të kursit të këmbimit gjatë muajve shkurt e mars dobësoi më tej presionet e huaja inflacioniste.

Pritshmeritë për inflacionin qëndrojnë ende poshtë objektivit, duke frenuar rritjen e konsumit dhe të investimeve private, si dhe duke u faktorizuar në nivele më të ulëta pagash dhe në çmime më të ulëta për kontratat afatmesme e afatgjata të produkteve e shërbimeve.

grafBurimi: Monitor