JOQ Albania
Home

Hetohet ish-këshilltarja seksi e Kryeministrit, dyshohet për lidhje me agjentin serb
Shkruar nga: A Shehaj | Publikuar më: 10/07/2019 10:54

  • Share
  • Share
  • Share
  • Share

Ish-këshilltarja e Kryeministrit të Kosovës, Nita Himaduma, është vënë nën hetim nga Agjencia e Inteligjencës e Kosovës, pas kërkesës së bërë nga ministri i Jashtëm, Behgjet Pacolli.

Sipas shkresës, një familjar i Himadunës ka qenë në komunikim me Veljko Kaziç, i cili identifikohet si “pjesë e strukturave të sigurisë së Serbisë me mbulesë në Ambasadën e Serbisë në Tiranë, i cili mbulon edhe Kosovën”.

Një tjetër arsye ka të bëjë edhe me keqpërdorim të buxhetit.

Konsullja kishte rezervuar hotele në emër të zyrës së Kryeministrit, edhe pasi ishte larguar nga institucioni.

Në letrën dërguar shërbimeve të inteligjencësa nga Pacolli, siç raportojnë mediat e Kosovës, shkruhej:

Duke pasur parasysh që në shërbimin e jashtëm të Republikës së Kosovës, që nga fillimi i punës sime, ka pasur ndryshime në stafin diplomatik, ju drejtohem përmes kësaj letre me kërkesën që AKI-ja, me procedurë urgjente të bëjë verifikimin e Znj. Nita Himaduna, e cila është emëruar konsulle në Misionin Konsullor të Republikës së Kosovës në Nju Jork – SHBA.
Duke i pasur për bazë këto që u thanë më lartë, posaçërisht dyshimet për lidhje të saj me punonjës të shërbimeve serbe të inteligjencës, është vlerësuar me interes që Nita Himaduna të mos ketë qasje (punësohet në pozitë të ndjeshme) në institucionet e Republikës së Kosovës, pasi që mund të paraqesë rrezik për sigurinë e Republikës së Kosovës”.