Jeta Osh Qef
Home

Të zënë kurth në trupin e tyre, këta janë pacientët e rrallë që po kthehen në “gur”
Shkruar nga: E Prifti | Publikuar më: 27/10/2018 10:28

  • Share
  • Share
  • Share
  • Share

Shumica e njerëzve, me kalimin e viteve, fillojnë të kenë vështirësi me lëvizjen.

Por, ky problem është shumë më i keq për pacientët që luftojnë me një gjendje të rrallë që ne kalimin e kohës i kthen muskujt e tyre në kocka.

50-vjeçari, Thozi Mciki, vuan fibrozisplasia ossificans progressiva, e njohur si FOP, e cila i bën fragmentet e kockave të rriten në muskujt e gjithë trupit.

Thozi filloi t’i tregonte shenjat e para të sëmundjes gjenetike, e cila prek rreth një në një milion njerëz, kur ai ishte vetëm disa muaj.

Që atëherë, ai ka humbur aftësinë për të ecur pa ndihmë, duart e tij janë pjesa e vetme e trupit në pjesën e sipërme që ai mund të lëvizë.  Ijët dhe këmbët e tij janë gati krejtësisht të ngurta.

Rasti i dytë është ai i 18-vjeçarit, Damian Fredericks i cili është në fazat e hershme të të njëjtës sëmundje.

Damian është ende në gjendje të luajë futboll, por gjithsesi sëmundja ka bërë të vetën dhe gjymtyrët e tij kanë nisur të ngurtësohen.

FOP është një gjendje gjenetike që zakonisht fillon në fëmijërinë e hershme, kur grumbuj të vogla të kockave fillojnë të rriten brenda indeve të buta, zakonisht muskujve.

Me kalimin e kohës shumica e këtyre kockave- të cilat mund të shkaktohen edhe nga lëndimet – rriten dhe muskujt zëvendësohen gradualisht me kocka, duke e bërë të pamundur lëvizjen.

Gjendja nuk e shkurton jetën e njerëzve në vetvete dhe në vendet e zhvilluara pacientët mund të jetojnë një jetë të gjatë – megjithatë, lëvizja e zvogëluar në gjoks mund të nënkuptojë që infeksionet janë më serioze. /JOQ.al/