Jeta Osh Qef
Home

“Çfarë do ndodhte nëse në Greqi do brohorasin shqiptarët se Çamëria është Shqipëri”
Shkruar nga: D Cani | Publikuar më: 08/11/2018 20:50

  • Share
  • Share
  • Share
  • Share

Shoqata Çamëria ka reaguar ditën e sotme për çështjen e ceremonisë së varrimit të Kacifas, ku u bënë thirrje antishqiptare nga qytetarë grekë që ishin sot në Bularat.

Në reagim thuhet se shteti shqiptar duhet të reagojë ashpër përballë këtij rasti.

Në fund, Shoqata Çamëria ngre pyetjen se çfarë do ndodhte nëse në Greqi do brohorasin shqiptarët se “Çamëria është Shqipëri”?.

Reagimi i plotë:

Po sikur të marrim flamujtë shqiptarë dhe të shkojmë në Çamëri e të brohorasim të vërtetën “Çamëria është Shqipëri”?
Qendrimi apatrit i të gjithë aparaturës shtetërore është shenja më e qartë se shtetarët shqiptarë s’kanë dinjitet, burrëri, aftësi e mbi të gjitha nuk kanë atdhe. Lejimi i shpërthimit të “vorioepirotizmit” brenda territorit shqiptar, ku policia dhe diplomacia i bën sehir, vërteton atë që kemi thënë përherë: çdo cedim ndaj Greqisë, çdo varrezë që lejohet, sa herë heshtet për çështjen çame, hap orekset e sëmura të nacionalizmit grek. Shtetarët shqiptarë, po u ka mbetur më e vogla cilësi, sot duhet të reagojnë ashpër, përballë një rasti të paprecedent të rrezikimit të integritetit territorial të Shqipërisë.
Ndaj çdo deklarate qesharake të këtyre apatridëve që duan të relativizojnë ngjarjen, ne i pyesim: Po sikur të marrim flamujtë shqiptarë dhe të shkojmë në Çamëri e të brohorasim të vërtetën “Çamëria është Shqipëri”? Do na mbështesni? Apo do i bëni fresk “vorioepirit” të injorancës suaj?