Jeta Osh Qef
Home

“Plasin” protestat studentore në të gjithë Shqipërinë!
Shkruar nga: F Tenolli | Publikuar më: 06/12/2018 9:33

  • Share
  • Share
  • Share
  • Share

Protestat studentore vijojnë edhe ditën e sotme teksa studentët kanë bojkotuar mësimin dhe jaën gjendur në numër të madh para Ministrisë së Arsimit dhe Sporteve.

Studentë nga të gjithë fakultetet e vendit atij të Histori-Filologjisë,  të Drejtësisë, Shkencave Sociale, Shkencat e Natyrës,  Gjuhëve të Huaja, Universiteti Bujqësor, Politeknik kanë bojkotuar mësimin.

Ata janë bashkuar për të protestuar për përgjysmimin e tarifave të larta universitare, tarifave shtesë për provimet e vjeshtës si dhe kushteve të mjerueshme të jetesës në konvikte.

Protesta e studentëve është shtrirë dhe në Durrës, Elbasan dhe Korçë.

Kërkesat e studentëve

-Shfuqizimi i VKM nr 288 pika numër 4 e cila citon si më poshtë:

Studenti, i cilësuar në bazë të rregullores së institucionit të arsimit të lartë publik si përsëritës në një lëndë apo në shumë lëndë dhe vijon studimet në vitin pasardhës, i nënshtrohet tarifës së shkollimit për kredit për detyrimet apo lëndët përsëritëse, si dhe tarifës vjetore të shkollimit të vitit akademik në të cilin vazhdon studimet.

-Mbështetur në nenin 99 mbi Keshillet studentore, Ligji i Arsimit të lartë pika 2 kërkojmë që Bordi i Administrimit të IAL-ve të ketë numër të barabartë votash si nga Ministria e Arsimit dhe Sportit dhe IAL-te, dhe të shtohet një përfaqësues në këtë bord nga studentët.

-Përmirësimi i kushteve të konvikteve.

-Përgjysmimi i tarifës së studimit mbështetur në nenin 99 pika 5 (Ligji I arsimit të Lartë).

Bazuar në vendimin e qeverisë, studentët detyrohen të paguajnë për çdo provim të mbartur, në bazë të krediteve të tyre.

Me anë të protestës së tyre studentët kërkojnë heqjen e pagesës prej 670 lekë për kredit për provimet e mbartura.

Po ashtu ata kërkojnë shtyrje të afatit të pagesës së tarifës vjetore në fund të janarit dhe pagesë me këste të tarifës vjetore.

Nga ana e saj ministrja e Arsimit, Lindita Nikolla tha se ka durim dhe vullnet për të komunikuar me studentët.

“Unë nuk mund të dal në rrugë dhe të komunikoj, sepse vetë studentët nuk e meritojnë të komunikoj në rrugë”, deklaroi ajo në një prononcim në media.