JOQ Albania
Home

Hajnat i vjedhin rreth 3000 euro kursime invalidit 68 vjeçar
Shkruar nga: A Gashi | Publikuar më: 27/12/2018 15:20

  • Share
  • Share
  • Share
  • Share

Hysni Zukës nga Pozharani, hajnat ia vodhën kursimet me vlerë 2 mijë e 600 euro

Rruga, sa do e shkurtër që mund të jetë, është e mundimshme për Hysni Zuken.

Nuk ka askënd ta ndihmojë, sepse 68 vjecari nga Pozhorani i Vitisë, jeton i vetëm.

Dhe sikur mos të mjaftonin kushtet e vështira ekonomike, ditë më parë, dy persona të maskuar i kishin hyrë më forcë në shtëpi, duke ia vjedhur një shumë të parave.

Ai rrëfen se si kishte ndodhur rasti.

“Kah minuta e 0.40 – qitu jom kane, as fjet as çut, edhe jon hi dy, paret ku i ki? Paret i kom n xhep..se prita që po mdel bash qashtu”.

Zuka tregon sa ishte shuma që i është vjedhur, ndërsa thotë që ato të gjitha ishin kursimet e tij.

Ai thotë se hajnat e shfrytëzuan pikën më të dobët të tij, pasi që njërën këmbë e ka të amputuar.

Ndërsa shton se i morën edhe një kujtim me vlerë që e kishte nga gruaja e tij, tashmë e ndjerë.

“Qit karroce ma qiten jashtë, mobilin ma morën e kurrë nuk ma kthyn mo..e kom pasë kujtim prej grus..”.

E nga policia në rajonin e Gjilanit, përmes telefonit, kanë thënë se deri më tani nuk ka asnjë të arrestuar për këtë rast, dhe se hetimet janë duke vazhduar.