JOQ Albania
Home

90 kg kokainë nga Malta me destinacin Shqipërinë, “mielli i bardhë” kapte vlerën e 10 milionë eurove
Shkruar nga: F Tenolli | Publikuar më: 15/04/2019 10:53

  • Share
  • Share
  • Share
  • Share

Kapet një tjetër ngarkesë kokaine në portin e Maltës me destinacion Shqipërinë. Pas aksionit të së dielës, operacioni vazhdoi në orët e hershme të mëngjesit të së hënës.

Kontejneri i parë dhe i tretë kishin mbërritur në Maltë nga Amerika e Jugut dhe do të vazhdonin rrugën drejt Durrësit, në Shqipëri. Ndërsa kontejneri i dytë, gjithashtu nga Amerika e Jugut, do të nisej drejt Selanikut të Greqisë.

"Në kontejnerin e parë kishte 20 pako kokaine, të cilat peshonin 24 kg në vlerë prej 2.7 milionë euro, në të dytin ishin 40 paketime me peshë 48 kg në vlerë 5.4 milionë euro, ndërsa në kontejnerin e tretë, ishin 16 pako që përmbanin 19.25 kg kokainë me vlerë 2.2 milionë euro" raportojnë mediat.

Departamenti i doganës konfiskuan të dielën 91.25 kg kokainë të fshehur brenda tre kontejnerëve në Freeport.

Droga ishte paketuar në shtatëdhjetë e gjashtë paketa me peshë totale 91.25 kg dhe nëse do të hidhej në treg, sasi e kokainës do të kapte vlerën e rreth 10.3 milion euro.

Departamenti tha se "herët në mëngjes në njësinë e monitorimit doganor të kontejnerëve janë përzgjedhur disa kontejnerë për skanim. Pas skanimeve fillestare, u vërejtën parregullsi në tre kontejnerë, i cili vuri në dukje narkotikët e fshehur në njësinë e kompresorit të ftohësit. Një kërkim fizike konfirmoi dyshimin".

Droga ishte paketuar në shtatëdhjetë e gjashtë paketa me peshë totale 91.25 kg. Nëse do të hidhej në treg, sasi e kokainës do të kapte vlerën e rreth 10.3 milion euro.

Gjatë këtij viti në doganat e Maltës janë sekuestruar 606.45 kg kokainë me një vlerë prej 68.2 milionë euro.