JOQ Albania
Home

Gjykata e Korçës shpall fajtor 5-vjeçarin e vdekur, gjyshi: Gjyqtari po abuzon me gjakun e nipit tim
Shkruar nga: E Gjoni | Publikuar më: 15/05/2019 9:30

  • Share
  • Share
  • Share
  • Share

Një aksident i rëndë ndodhi në 5 shtator të vitit 2017. Një 5-vjeçar nga Korça humbi jetën pasi u aksidentua për vdekje nga drejtuesi i një mjeti.

Gjyshi i 5-vjeçarit deklaron për "Fax News" se drejtuesi i mjetit ka qenë nën efektin e alkoolit. E ndërsa skandali me Gjykatën e Korçës qëndron se ka nxjerrë fajtor 5-vjeçarin e vdekur nën akuzën e "shkeljeve të qarkullimit".

Gjyshi i fëmijës deklaron se provat janë manipuluar, në aktin ekspertizës provat janë tjetërsuar.

Kadri Malka është shprehur se nëse drejtësia nuk vihet në vend, ata do të bëjnë vetë vetëgjyqësi. Drejtuesi i mjetit u la i lirë 4 muaj pas mgjarjes.

Kadri Malka shprehet:

Kërkoj të bëhet drejtësi. Nëse është e nevojshme të zhvarroset edhe nipi tim e të hetohet ngjarja plotësisht. Gjyqtari po abuzon me gjakun e nipit tim. Nëse nuk na përgjigjet shteti ne do bëjmë vetëgjyqësi.
Provat janë manipuluar. Çfarë thuhet në një raport nuk thuhet në tjetrin. Në aktin e ekspertizës provat janë tjetërsuar."